BHAGAWATI STOTRAM

|| श्री भगवती स्तोत्रम || 

जय भगवति देवि नमो वरदे 

जय पापविनाशिनि बहुफलदे |
जय शुम्भ निशुम्भ कपालधरे 

प्रणमामि तु देवि नरार्तिहरे ||१||

जय चन्द्रदिवाकर नेत्रधरे 

जय पावक भूषितवक्त्रवरे |
जय भैरवदेहनिलीनपरे 

जय अन्धकदैत्य विशोषकरे ||२||

जय महिषविमर्दिनिशूलकरे 

जय लोकसमस्तकपापहरे |
जय देवि पितामहविष्णुनते 

जय भास्करशक्रशिरोsवनते ||३||

जय षण्मुख सायुधईशनुते 

जय सागर गामिनि शम्भुनुते |
जय दु:खदरिद्रविनाशकरे 

जय पुत्रकलत्रविवृद्धकरे ||४||

जय देवि समस्तशरीरधरे 

जय नाकविदर्शिनि दु:खहरे |
जय व्याधिविनाशिनि मोक्षकरे 

जय वांछितदायिनि सिद्धिवरे ||५||

एतव्द्यासकृतं स्तोत्रं य: पठेन्नियत: शुचि: |
गृहे वा शुद्धभावेन प्रीता भगवती सदा ||